разабрацца з суфіксамі -чык / -шчык

[375gnu]

Чарговы «падарунак» расейскае мовы. Частка такіх словаў мае нармальныя беларускія адпаведнікі.

[cas1no]

Трохі перабраў словы якія канчаюцца на "-шчык", але там можа яшчэ 200 слоў засталося, то буду дапісваць як будзе час)

Там дзе "-" у "Дадаць адпаведнік" значыць што адпаведнік ужо ёсьць.

Слова на "шчык"	Бел адпаведнік	Камэнтар	Дадаць адпаведнік	Выдаліць слова
абманшчык	хлус	Тут хіба і так зразумела.	-	+
аварыйшчык	аварыйнік	Зусім не сустрэў гэтага слова ў тэкстах. "Аварыйнік" хоча б дзесь можна сустрэць. Напрыклад, 1) Пашкевіч, ад англ. "wrecker", 2) Газэта "Наша слова", 1999 г.: https://ia803400.us.archive.org/2/items/kamunikat-21927-1.djvu/21927-1.pdf	-	+
балельшчык	заўзятар	Пашкевіч, ад англ. "fan" - "заўзятар".	+	+
барабаншчык	-	Нібы не русізм, гэтак нават Колас пісаў, 1914 г.: https://be.wikisource.org/wiki/%D0%A1%D1%82%D0%B0%D1%80%D0%BE%D0%BD%D0%BA%D0%B0%3ARodnyja_zjavy_1914.pdf/162	-	-
бунтаўшчык	бунтаўнік	Пашкевіч, ад англ. "troublemaker" - "бунтаўнік". Хаця Колас хіба пісаў "бунтаўшчык", то ня ведаю што з гэтым словам рабіць	-	?
забастоўшчык	-	1) Пашкевіч, ад англ. "striker" - "забастоўшчык". 2) Колас нават мае твор "Забастоўшчык".	-	-
забойшчык	забойца	1) Зусім не сустрэў гэтага слова ў тэкстах. 2) Пашкевіч, ад англ. "killer" - "забойца".	-	+
забудоўшчык	забудоўнік	1) Зусім не сустрэў гэтага слова ў тэкстах. 2) Пашкевіч, ад англ. "developer" - "забудоўнік".	+	+
загаворшчык	змоўнік	1) Амаль не сустрэў гэтага слова ў тэкстах. 2) Пашкевіч, ад англ. "conspirator" - "змоўнік".	-	+
загатоўшчык	нарыхтоўшчык	1) Амаль не сустрэў гэтага слова ў тэкстах. 2) Пашкевіч, ад англ. "packer" - "нарыхтоўшчык".	-	+
закупшчык	пакупнік	1) Зусім не сустрэў гэтага слова ў тэкстах. 2) Пашкевіч, ад англ. "buyer" - "пакупнік".	-	+
запраўшчык	запраўнік	1) Хіба "запраўнік" больш правільна, але амаль нідзе не сустракаецца. "Запраўшчык" часьцей, але таксама рэдка. То ня ведаю ці выдаляць яго. 2) Пашкевіч, ад англ. "tanker" - "самалёт-запраўнік".	+	?
зачыншчык	-	Ня ведаю што з гэтым словам рабіць, гучыць як русізм, але можна рэдка сустрэць.	-	?
зборшчык	-	1) Шмат дзе сустракаецца ў сэнсе падаткаў. 2) Пашкевіч, ад англ. "collector" - "зборшчык (падаткаў, даўгоў)".	-	-
зваршчык	-	Пашкевіч, ад англ. "welder" - "зваршчык".	-	-
пішчык	-	Інструмэнт, а не прафэсія.	-	-
пляніроўшчык	праектант	1) Зусім не сустрэў гэтага слова ў тэкстах. 2) Пашкевіч, ад англ. "projector" - "праектант".	-	+
плацельшчык	платнік	1) Амаль не сустрэў гэтага слова ў тэкстах. 2) Пашкевіч, ад англ. "payer" - "платнік".	+	+
правершчык	кантралёр	1) Зусім не сустрэў гэтага слова ў тэкстах. 2) Пашкевіч, ад англ. "inspector" - "кантралёр".	-	+
прагульшчык	прагульнік	Пашкевіч, ад англ. "absentee" - "прагульнік".	+	+
прадзільшчык	-	Амаль не сустрэў гэтага слова ў тэкстах, але хай будзе. Газэта "Беларускае Слова", 1927 г.: https://files.knihi.com/Knihi/Pieryjodyka/mab.lt/Dauniejsyja/Vilnia/Bielaruskaje_slova_Vilnia,_1926-1928.pdf.zip/219482-1927-10.pdf	-	-
праекціроўшчык	праектант	1) Амаль не сустрэў гэтага слова ў тэкстах. 2) Пашкевіч, ад англ. "projector" - "праектант".	-	+
прапаршчык	-	Званьне ва Узброеных Сілах Рэспублікі Беларусь.	-	-

[375gnu]

• Абманшчык --- гэта ня хлус. обманщик—ашуканец, ашукальнік, падшывальнік, абакула, круцёль, вілаводнік, абармот, анюка, чмурыла, махціц. (РБС Байкова й Некрашэвіча). У Корпусе толькі 3 згадкі. Можна выдаліць.
• Бунтаўшчык --- нават у ГСБМ бунтовникъ. Але выдаляць нельга, трэба пазначыць як NOSUGGEST.
• Забастоўшчык --- пакідаем, але трэба пазначыць як NOSUGGEST.
• Забойшчык --- гэта не забойца, гэта шахтар, які працуе ў забоі. Гэтае слова цалкам запазычанае з расейскае, а ня проста ўтворанае подле расейскае мадэлі. Слоўнік Піскунова дае "забойнік" https://starnik.by/pravapis/26207.
• Загаворшчык --- РБС БН таксама дае толькі "змоўнік".
• Запраўшчык --- у Піскунова няма "запраўніка". У вайсковым слоўніку Судніка й Чыслава таксама "запраўнік". Думаю, пакуль давядзецца і "запраўшчыка" пакінуць, і "запраўнік" дадаць.
• Пляніроўшчык --- я ня ўпэўнены, што гэта projector.
• Прадзільшчык --- прядильщик—прадзільнік. прядильщица—прадзільніца, папрадўха, праха, прадка, пральля. РБС БН.
• Праекціроўшчык --- у слоўніках адсутнічае, але шырока выкарыстоўваецца "праектавальнік".

[cas1no]

• Забастоўшчык --- а чаго яно мае быць NOSUGGEST? Па іншаму хіба я ня скажаш.
• Забойшчык --- выдаляем ці як? :)
• Пляніроўшчык --- projector - archaic, a person who plans and sets up a project. Таму падумаў што падыходзіць.
• Прадзільшчык - застаўляем ці слушней будзе "прадзільнік"?

[375gnu]

Забастоўшчык --- а чаго яно мае быць NOSUGGEST? Па іншаму хіба я ня скажаш.

Ёсьць яшчэ страйковец. Зь іншага боку, задача слоўніка ўсё ж правяраць правапіс, а не навязваць сваё бачаньне мовы, то няхай застаецца і без NOSUGGEST.

Забойшчык --- выдаляем ці як? :)

Думаю, трэба выдаліць і дадаць «забойнік».

Пляніроўшчык --- projector - archaic, a person who plans and sets up a project. Таму падумаў што падыходзіць.

Пакуль пакінем як ёсьць.

Прадзільшчык - застаўляем ці слушней будзе "прадзільнік"?

Прадзільнік.

[ssvb]

Я б прапанаваў для ўсіх спрэчных словаў ствараць артыкулы ў Ангельскім Вікіслоўніку. Там ужо можна будзе разабрацца з этымалёгіяй, цытатамі і інш.

Напрыклад, для "прагульшчык" ёсьць цытата Купалы: https://be.wikisource.org/wiki/Старонка:Belarusi.pdf/187

[375gnu]

абман* вяртаю, бо і ў Корпусе шмат разоў сустракаецца, і ў гаворках. Хіба што замест абманшчык зрабіць абманьнік, такая форма таксама сустракаецца ў гаворках.